Актыўная ацэнка

Паважаныя калегі!

Дзякуй за адкрытыя разважанні па трэцяму модулю. Вельмі добра, што дзеліцеся сваімі трывогамі і хваляваннямі! Сапраўды на гэтым і наступным этапе будзе выпрабоўвацца  наша ўпэўненасць   у тым, што мы робім карысную справу. Трэба памятаць, што актыўная ацэнка – гэта крок у будучыню. Яна дапаможа нам, нашым бацькам і, самае галоўнае,  дзецям быць паспяховымі не толькі ў вучобе, але і ў жыцці. Чалавек, які ўмее ацэньваць сябе і сваіх аднакласнікаў, будзе рабіць менш памылак, з павагай ставіцца да іншых думак, чужой працы.

Любыя інавацыі патрабуюць ад нас вялікіх намаганняў, не толькі на ўзроўні разумення, але і перамен у сваей свядомасці і практычнай дзейнасці.  Але АПТЫМІЗМ і вера ў тое, што кожны з вас, дзякуючы АА, зможа  дапамагчы сваім вучням вучыцца і раскрыць іх ​​інтэлектуальны і сацыяльны патэнцыял,  здольны пераадолець амаль любыя перашкоды на гэтым цяжкім шляху. Скончыўшы школу, нашы вучні становяцца інжынерамі, лекарамі, адвакатамі, палітычнымі дзеячамі, бізнэсменамі, нашымі суседзямі.  І педагогамі, якія будуць вучыць нашых дзяцей і ўнукаў. Што б мы ні выкладалі – пачатковую адукацыю, матэматыку, мову, літаратуру,   - трэба памятаць, што мы навучаем нашых грамадзян, тое пакаленьне, якое аднойчы прыйдзе да ўлады ў нашай краіне.

Дзякуй усім настаўнікам, якія паляпшаюць свае навыкі валодання актыўнай ацэнкай, каб дасягнуць якасці і падтрымліваць яе на высокім узроўні. Самае галоўнае – ісці да канца, не баяцца памыліцца і разам шукаць выйсце са складаных сітуацый. Выказванне Рональда Осбарна – вядомага англійскага фізіка і инжынера, якое мне вельмі падабаецца “Калі не будзеш спрабаваць рабіць нічога, акрамя таго, што ты ўжо добра ўмееш рабіць, ніколі не зможаш расці”

Усім жадаю цярпення, настойлівасці і руху наперад!